اسمك كتبته با الرصاص ومحيته

ماني خيال(ن) لابغيته طرالك

يجيبني عندك لامن بغيته

لايبعدك ذاك الشعور بخيالك

لاياخذك وتقول حلمي لقيته

لاتقول قلبي من جروحه شكى لك

لاتلفت للجرح لامن شكيته

لاترتجي قلب(ن) بحبه وفالك

بعض الأمل لو كان بيدك عميته

لقيت من يفهم شعوري بدالك

هذاك لو يطلب حياتي عطيته

رضيت بعدك يوم جرحي رضالك

الله يسهل دربك اللي مشيته

خلك مع اوهامك بعيد(ن) لحالك

الحلم مايصدق ترى لو رجيته

والله ماأذكرلك قديم(ن) مضى لك

وأن كان لك ماضي تراني نسيته

كانك تقول أسمك بقلبي بقى لك

أسمك كتبته بالرصاص ومحيته