سويلم طلع برحة

موضوع: سويلم طلع برحة الجمعة يناير 15, 2010 12:05 am

مقدمه

<< اي واحد يحط مقدمه من عنده وقضينا فاضي اكتب لكم مقدمات انا سويلم طلع برحة Biggrin

7
7

الطالب سويلم سالم مبروك اخذت الاول على الفصل بتقدير ممتاز كانت هذه الاحرف اللتي تمر على مسمع سويلم بمثابه المفاجأه لم يكن يعلم سويلم منذو دخوله الابتدائيه قبل اشهر قليله بأنه سيصبح طالب متفوق لم يكن ايضا يعلم ان فيه شي اسمه تفوق وممتاز كان داخل المدرسه بس كذا ابوه اخذه اول يوم وحطه قدام باب المدرسه وقال ادخل ياولدي وخلك عاقل كان سويلم بعد هذه المفاجأه يسئل نفسه هل انا ممتاز ؟ هل انا ذكي ؟ هل بتخلص من هالتساؤلات الناس قاعد تنتظر وش بيصير بعدين سويلم طلع برحة Biggrin

او ان هذه مجامله هنا قطع هذه التساؤلات رائد الفصل وقال وش فيك ياسويلم منت مصدق ؟ قال ايه يا استاذ يعني وش يميزني عن الطلاب الباقين ليه كلنا ما اخذنا الاول سويلم طلع برحة Looking_anim

<< اسحبوا منه الشهاده تكفون وش ذا الدلخ ضحك المدرس وقال مايصير ياولدي يا سويلم انت انسان متفوق وباين عليك انك ذكي وتتعلم بسرعه وعندك سرعه بديهه انا اتوقع اذا كبرت بيصير لك شان كبير في الدوله هنا بدا راس سويلم بالانتفاخ واخذ كلام المدرس بشكل جدي اكثر من ماهو كلام تحفيزي له وبدأ سويلم ينظر لزملائه نظره ازدراء وهو في حقيقه الامر يعلم انه ماعندك احد بدأت تتكرر هذه الجمله الطالب سويلم سالم مبروك اخذت الاول على الفصل بتقدير ممتاز الى ان دخل الصف الرابع وهنا بدأت تزعزع ثقه سويلم بنفسه

عندما اتى مدرس جديد لماده الرياضيات مايعرف شي عن سويلم وطلب منهم حفظ جدول الضرب ولكن كانت الفاجعه سويلم طلع برحة Eek

عندما لم يستطيع حفظه سويلم وحفظه احد الطلبه الناقلين من احدى القرى حيث كان سويلم يستحقر هذا الطالب دائماً ويذب عليه ويقول هالقروي وش عرفه في الدراسه ولكن مازال سويلم يستحقره ويقلل من امكانياته لان المدرس كان حاط جائزه للي يحفظ جدول الضرب يعطيه كوبون افطار مجاني للمقصف واخذها سويلم عذر قال هالقروي ماحفظ الا من الشفاحه اللي فيه وده يفطر بلاش سويلم طلع برحة Grins

وكان جميع طلاب الصف يرون ان سويلم هو الصح والقروي ذا الغلط الا ان اتى هالمدرس وسفل بسويلم وقال الحين من الاول على فصلكم قالوا الطلاب سويلم قال الظاهر ان النظام عندكم الاعور في ديره العميان سويلم طلع برحة Biggrin

وضحك الطالب القروي على سويلم لانه كان يعرف هذا المثل ومالمقصد منه المهم جت الاختبارات الشهريه ومازال الطالب القروي الحقنه ناشب لمندوب سويلم وبدأ يزعزع كيانه في الصف وحدثت الفاجعه القروي اخذ الاول وسويلم الثاني ياللهول والسبب ان سويلم جايب مقبول في الرياضيات والقروي ممتاز هذا الفارق الوحيد بينهم ذهب سويلم لبيتهم وكالعاده كان والديه ينتظرونه لكي يقولون ماشاء الله ياوليدي جايبن الاول شكل مافي الفصل الا انت اللي يدرس سويلم طلع برحة Biggrin

<< ابي تحطيم اكثر من كذا سويلم طلع برحة 139

لكن سويلم داهمهم بعنصر المفاجأه هالمره مثل ماداهم دسيلفا جيريتس باحمد عباس سويلم طلع برحة Grins

<< يابوي الله يقلع ذا الفوز اللي وسوس بك وقال لابوه تراني جايب الثاني فرد اباه ضاحكا وهو يحرك مغاط سروال السنه الى الامام قليلا ويرتد تلقائياً اخيرا ياولدي صرت تدرس مع فصل فيه احد غيرك سويلم طلع برحة 038

فما كان من سويلم الا ان رد على ابوه بهجمه مرتده خمسه مهاجمين ضد اثنين واحد منهم مصاب بشد عضلي وقال يبه انت وش مؤهلك العلمي فاذا بوجه ابيه يتغير فجأه وبدا يعض طرف فنيلته العلاق ويناظر في ام سويلم وقال ثاني ابتدائي قال سويلم اذا تعديتها تعال وذب علي سويلم طلع برحة S_45

فما كان من والده سويلم الا التصفيق الحار لولدها وتشجيعه سويلم طلع برحة Sm12

بعدي ولدي فنظر ابو سويلم لامه وقال بشويش يانوره الفايز سويلم طلع برحة Rolleyes

وش مؤهلك وبدأت بتنزيل راسها وقالت مامعي مؤهل سويلم طلع برحة 060

وبدا برفع حواجبه والضحك عليها وطالع فيهم سويلم وقال بينه وبين نفسه ياربي وش ذا العائله وظهر من صمته وقال لابوه انتم الحين وش فيكم انا جاي اقولكم اني بديت اشعر باني فاشل وان السنوات اللي راحت كان مضحوك علي والمدرس ذا الحقنه مدري من وين طلع سويلم طلع برحة 0381

وبدا يدقق علي في الرياضيات وانتم قاعدين تذبون على بعض قال ابوه ياولدي لا تقعد تزعجنا ان شاء الله انها كبوه جواد كانت هذه الكلمه مكان استغراب من الجميع وبدا سويلم يشك في ابوه انه يتابع العربيه من وراهم << وش دعوى والله لو انها غنوه سويلم طلع برحة Confused

<< جاك الثاني
ورجع سويلم وهو مصدق انها كبوه جواد لكن هالكبوه بدأت تستمر معه في كل سنه لين خلص الابتدائيه وهو ياخذ في التقرير الشهري مقبول في الرياضيات وانتقل للمرحله المتوسطه وهنا بدأت المشاكل مع سويلم لم يعد يحضى بالاهتمام اللذي كان يحظى به سويلم طلع برحة 139

وبدأت الصدمه وانتشار مقوله سويلم برحه من اول شهر في المتوسطه عندما جاء العاشر على فصله وانواع المقبول والضعيف متدهره في شهادته حتى يقول سويلم يوم رجعت للبيت ووريتها اهلي كان ابوي وامي مصدومين اول مره اشوف ابوي معصب ومايذب وامي قاعده تصيح سويلم طلع برحة Looking_anim

<< ياخي حريمنا ماعندهم رده فعل الا الصياح دورو شي جديد يرحم والديكم اذا فرحانين صاحو واذا حزن صاحو سويلم طلع برحة Biggrin

كان سويلم يعاني من ابوه كل مادخل البيت يقعد يشمشمه يقول شكلك طايح في التتن وهو اللي مخربك ومخليك تجيب العاشر سويلم طلع برحة Confused

<< شيابنا لحين يحسبون التتن يذهب العقل
حتى اخوانه بعد ماكانوا يهايطون به عند اصدقائهم صاروا مايذكرون اسمه قدامهم حتى اخوياه اللي كانوا يجلسون معه ويسلكون له ويضحكون على مصالته عشان يغششهم ايام الاختبارات سحبوا عليه صار كلن اذا شافوه قال شفوا جا سويلم البرحه حتى اذا طلع في الاذاعه قبل كان اذا طلع الناس تستمع له على انه انسان فاهم بعد ماصار فاشل واتضح انه برحه صارت صيحات الاستهجان تنطلق عندما ياخذ المكرفون ويقول هل تعلم اللي من اول ابتدائي وهو حافظها ويكررها سويلم طلع برحة Grins

ماعنده الاهي وكانت تمشي عليهم قبل بس الحين تغير الوضع صار كلن يقول في نفسه متى ينقلع ذا البثر سويلم طلع برحة 0381

عاد سويلم تعدى المرحله المتوسطه بالبركه وبواسطه الماده السابعه حين ذاك اللي تجيب 27 مجموع الفصلين وتنجح في الرياضيات وكان اهل سويلم ينظرون له نظره غير نظرتهم له سابقا صح كانوا يذبون عليه وهو دافور ويذبون عليه وهو فاشل بس كانوا من داخلهم ايام انه دافور مبسوطين بس ماودهم يقولون عشان مايشوف نفسه عليهم سويلم طلع برحة Looking_anim

<< وش ذا التفكير الخايس
دخل سويلم الثانوي وبدأ يشعر بالفشل اكثر واكثر لدرجه انه صار يدخل الفصل ويطلع وهو مايدري وش السالفه الا ان بدأ يبدع في مجال اخر غير الدراسه الا وهو الذب على المدرسين وكان كل المدرسين يتجنبون لسان سويلم لانهم اخذو فكره عنه انه طالب فاشل ولا يهمه شي وبدأ يتطبع سويلم على هذا الشي وصار يداوم يوميا ليس حب في العلم ولكن لكي يفرغ شحنات الغضب اللتي بداخله ضد المجتمع اللذي ينظر له نظره الفاشل حتى امه صارت تقول والله ياوليدي لو ان ابوي الله يرحمه مخليني ادرس كان الحين معي ماجستير دامك انت ماشي في الدراسه وانت من جنبها سويلم طلع برحة Confused

<<

شعور غريب وانت تشعر بالاستحقار من من هم حولك وانت تعلم انك تفوقهم درجه علميه
واصل سويلم ابداعاته في المدرسه في النشاطات كلها الا الدراسه في اي نشاط تلقاه الا جماعتين يصرفونه مايبونه يدخل معهم الا وهي التوعيه الاسلاميه والاذاعه كانوا ينظرون له على انه داشر مع ان سويلم لا يعرف للدشاره درب صح انه فاشل في الدراسه بس كان يمقت الدشاره << اتعب يا امقت سويلم طلع برحة Grins

كانوا دشير المدرسه يحاولون في سويلم للانضمام لهم وكان سويلم لا يبالي بالعروض المغريه حقتهم اللي يقول الفطور علي واللي يقول ياسويلم مالك الا اجيب لك مباراه ضمك والبرازيل 4_4 سويلم طلع برحة 10111

بس ادشر معنا الله يلعن ابليسهم لو انه حلو وش كانوا بيصلحون طلعوا التسلاب يبونه ينضم عشان يجلسون مع خويه هيثم السوري سويلم طلع برحة Biggrin

اللي معه من اولى ابتدائي ويعرف انه عاقل عشان كذا للحين مستمر مع سويلم حتى في فشله
في اول ثانوي سويلم جاب الطامه ورسب في اربع مواد دور ثاني وكانت صدمه لكل من يعرف سويلم حتى ابوه صار مايذب على احد صار يحس انه من كثر ماذب على خلق الله الله عاقبه بسويلم سويلم طلع برحة 139

كانت عطله من اسوء العطل تمر على سويلم ذاك السنه كان ابوه يهدده بعدم اكمال الدراسه اذا لم ينجح وادخاله الحرس الوطني بدال مايضيع عمره في الدراسه اللي مو فالح فيها << سويلم طلع برحة Biggrin

صحيح ان لكل فعل رده فعل بس عاد ماهب بهذا الشكل يا ابو سويلم الله يهديك اصبت فلذه كبدك في مقتل << وجه ابو سويلم هنا يقول ترا بصيبك في مقتل انت لو ماتترك عنك ابو سويلم وتكمل موضوعك احسن لك سويلم طلع برحة 0381

دام ابو سويلم عطاني هالنظره سويلم طلع برحة 038

بطلع الرصيف واشوف سويلم وش كان يجول بخاطره في اثناء هذه العطله وكيف كان مستمتع بجلد الذات << وقسم بالله مفروض يحطون موضوعي في الجاده عشان كلمه جلد الذات سويلم طلع برحة 038

<< صدقني بيكون للماصله سويلم طلع برحة Grins

سويلم كان يعلم ان ماله ذنب في الفشل هذا الذنب يتحملون اخطاءه المدرسين اللي ضحكوا عليه وحسسوه انه ذكي وعبقري وبدوا يعاملونه معامله غير عن زملائه في المرحله الابتدائيه حسسوه انه مايحتاج لتطوير من نفسه وانه يستحق مرحله اكبر من الابتدائيه في عمره الصغير والا من اهله اللي كانوا يذبون عليه وفي نفس الوقت يقولون في انفسهم ولدنا فاهم مايحتاج متابعه ولا ضغط عليه عشان يذاكر او نحسسه بالاهتمام فما كان من سويلم الا ذهب عند ابوه وقطع على نفسه التفكير وجلد الذات وقال يبه ما ابي ادخل الاختبارات وابي اصير عسكري انا ما عاد انفع في الدراسه رد عليه ابوه قال منت بعاقل يارامسفيلد سويلم طلع برحة Grins

هنا سويلم قام ومسك ابوه ورفعه شوي عن مستوى الارض وقال اسمع تراك من اول الموضوع وانت تذب علي وساكت من باب البر بالوالدين سويلم طلع برحة 0381

لكن الحين انا ماعندي شي اخسره ماسمعت بالولد اللي احرق ابوه في محطه بنزين تهقى وش مسوي له ابوه ؟ سويلم طلع برحة Biggrin

انا سمعت ان ابوه كان مستحقره عشان كذا قرر يسوي هالشي لكن تتوقع هو احرقه ببنزين 91 والا 95 سويلم طلع برحة Grins

هنا بلع العافيه ابو سويلم وقال تكفى تنهي الموضوع ترا مالها داعي ننحرق سويلم طلع برحة Sm1

قلت بنهي الموضوع بس بعد مانشوف مستقبل سويلم في العسكريه والى حين كتابه الموضوع يقطن سويلم في احد شقق العزاب القريبه من عمله بعد ان سئم العيش مع والده واهله وصار سويلم في هالشقه يجتمع مع الدشير اللي كانوا ايام المدرسه يتمنون مصاحبته وهو رافض سويلم الحين رتبته جندي اول نص الراتب اقساط والنص الثاني يصرفه على السلنتح في الشقه اللتي لا تخلو من اي منكر سويلم طلع برحة 10111

<< وجه واحد من اسود الهيئه يرسل رساله خاصه يقول ابلغنا عن مكان هذه الشقه يا رعاك الله سويلم طلع برحة Biggrin

ابو سويلم مقعد سويلم طلع برحة 139

بعد ان انصدم في تحول سويلم الغريب من البراءه الى الدشاره لحظه لحظه فيه صوت من بعيد يقول مقعد والا مق ري بلي كني عرفت هالصوت البثر انه ابو سويلم سويلم طلع برحة Rolleyes

حتى وهو في مرضه لم يترك مصالته سويلم طلع برحة 0381

ام سويلم ماتفارق سجادتها مره تدعي لسويلم ومره تدعي على ابوه اللي كان السبب من البدايه
اخوان سويلم قاطعين العلاقه ماهب عشان شي بس كذا يحاولون اثبات شخصيتهم وانهم مستائين منه والا هم العن منه في الدشاره سويلم طلع برحة Biggrin

مايستفاد من الموضوع /
المرحله الابتدائيه عندنا ماتتعامل مع طلابها بالشكل المطلوب اوكي تعطي الثقه للطالب بس ماهب تريش به لين يصدق عمره لان اللي في العمر ذا يصيبهم الغرور بسرعه ويصدقون بسرعه سويلم طلع برحة 119

تعامل الاهل بالشكل العكسي مع ولدهم يسبب له تشتيت ذهني مما يؤثر عليه مستقبليا ويشعره بان اهله ضده ويغارون من تفوقه لانه في المدرسه يجد الاعجاب وفي البيت عكس ذلك سويلم طلع برحة Confused

مو معناته انك فشلت في مرحله تتوقف عندها ولا تتعداها يعني رسبت وش المشكله ؟ تعيد السنه وتتعداها
ليه دايم اي شقه عزابيه لا بد من وجود المنكر داخلها حتى ولو ان المنكر هذا مايذهب العقل سويلم طلع برحة Biggrin

<< اقرب مخرج قبل لا احد يطب عليه ويقول وش عرفك في هالشي سويلم طلع برحة Grins

لا تستحقرون اهل القرى ترا عندهم مخ مثلكم بس مشكلتهم البيئه اللي حولهم سويلم طلع برحة Rolleyes

دورو رده فعل جديد يامعشر النساء سويلم طلع برحة 038

بدال الصياح نبي شي جديد نتعاطف معه لان الحين صرنا نعرف ان الانثى دموعها مثل دموع التماسيح

لا عاد تدخل في مسابقه وانت ماعندك لياقه سويلم طلع برحة Biggrin

بس ما اقول الا حسبي الله عليك يايتهيالي وهقتني رديت في الموضوع وقلت هذا لا حد يتركه وصدقوا الناس وتوهقت انا

وفي النهايه عزيزي القاريء اشكرك على وصولك لهذا السطر وعند وصولك هذا السطر اعتقد انه احدى امرين

اما انك ماقريت الموضوع وقلت خلني اشوف اخرته بس عن قوله ماعطاه فرصه
او انك انسان فاضي وقلت نجرب شي جديد ومصاله جديده سويلم طلع برحة Grins

<< برا ياحقير ماقلت هالحتسي الا اخر الموضوع سويلم طلع برحة 0381