ثاني ثانوي اخر سنه فلها

السلام عليكم ..

ايام اول كانو الطلاب يناظرون للدشير واللي كل يوم موقفين عند غرفه المدير انهم اطلق ناس وهم اللي عايشين حياتهم .. يعني لا جاك واحد وقال لك فلان جاب اخوانه
وطقو المدير وقتها كل المدرسه ودها تخاويه .. ولا يجيك ابو الشباب يهرب معه دخان وينمسك وتنتشر الاشاعه بالمدرسه فلان يتتن والمدير قافطه وما قدر يفصله ..

اكيد كاسر عين المدير ههههههههه .. كل هالفله وامور الهياط تنتهي لما يوصل الطالب لـ ثالث ثانوي .. يصير وقتها وش حليله ويركض ورى الدرجات ما تركضه عمشا ورى المعزات حقتها هههههههه

ما علينا من ثالث .. الاهم السنه اللي قبلها واللي هي ثاني ثانوي .. ما يكون في مخ الطالب غير شي واحد ( ثانوي ثانوي اخر سنه فله ) .. وبالسنه اللي بعدها بيطيح بالوزاره
وبيطلع منها يا دكتور ولا مراسل بالعربيه ويقطونه بالعراق ويتوهق هناك ويمكن ينمسك من امريكا ويحسبونه من تنظيم القاعده ويقطونه بجوانتامو ويفصخونه هناك وانواع التعذيب ( كاني شطحت )

المهم هذا واحدن وش زينه يقال له يوسف عايش على نظام ( ثاني ثانوي اخر سنه فله ) .. ويبي يطلع كل الخنبقات اللي براسه ع المدرسين قبل ما يحول اهليه بثالث ..

الموضوع :

دخل يوسف للمدرسه وهو متاخر ومداوم اخر يوم واللي هو الاربعا .. وساحب اربع ايام ورى بعض وقفه الوكيل مع الطلاب المتاخرين .. وجلسو ينادون على الاسماء واحد واحد ..

اول واحد وافي ..

الوكيل .. وش عندك متاخر يا وافي وترى هذا ثاني تاخر باسبوع واحد ؟؟

وافي .. والله وقسمبلاه يا وكيل اني جاي اول واحد بالمدرسه بس اني طلعت قبل ما تقفلون الباب بخمس دقايق ورحت اشتري بيبسي ورجعت ولقيتكم مقفلين الباب ..

الوكيل .. اجل بيبسي هاه ؟؟ .. انا شايفك بعيوني وانت رايح تشتري باكيت مالبورو احمر .. وشكلك مدخله معك ..

وافي .. علي الحرام بيبسي يا وكيل .. وتراني منيب ادخن وهالدبوس المصري اللي قال لك هالكلام تراه نصاب .

الوكيل .. وقف بالمصلى يا وافي ولنا تفاهم بعدين .

بعدها نادى الاسماء وكلن قام يصرف لين ما جا دور يوسف ونادو اسمه ..

الوكيل .. الله الله مكتوب عندي انك ما دوامت هالاسبوع كله وهذا اول يوم تداوم ومتاخر بعد ؟

يوسف .. طيب وش اسوي لك ارقص لك يعني !! ( فاهم الهياط غلط هههههه )

الوكيل ( وعيونه طالعه برى من الصدمه لو نقسم عيونه على حقين الصين صارت عيونهم واسعه مثلنا ) .. تدري انت تكلم مين ؟؟

يوسف .. ايه وكيلن يزاعط على راسي من اول ما دخلت لهالثانوي ومقلق ام امي .. رح بس هايط على عيالك مهوب عندنا

الوكيل يصفق يوسف هذاك الكف ويروح يوقف يوسف بالمصلى لين اخر اليوم ..

لما حس الوكيل ان يوسف تعذب وتلحط بالمصلى وجلس يفتر فيه كنه حرمتن تدور عيالها الضايعين في حديقه خنشليليه سمحو له بالدخول على الحصه الخامسه بعد ما توسطو له المدرسين .. ويوسف ما براسه غير كيف اقدر افلها هالسنه ذي سنتي الاخيره قبل الوزاره يعني لابد اجيب ضعيف ومقبول بكل المواد .. ولازم اهرب واسوي اللي ابي ههههههه

دخل يوسف للفصل .. واول ما جلس طلع اللي بجنبه واحد من الدشير قليلن الادب ( تصفح مملكه المراه لعب بمخي شوي هههههه ثاني ثانوي اخر سنه فلها Grins

)

اللي جالس بجنب يوسف اشهر واحد يهرب مخالفات للمدرسه من فصفص .. ودخان .. وافلام وثقائقيه بعد ..

سأله يوسف .. اقول مشعان وش اخر دوري ( دوري كلمه سريه بين الطلاب ويقصدون بها فيلم ) وش اخر دوري نازل بالسوق وعليه الطلب بالمدرسه هاليومين ؟؟

رد مشعان .. والله بوه دوري فرنسي طيب .. والانجليزي بعد وضعه منتاز والعيال يطلبونه واجد ..

يوسف .. ياخوي فكنا من هالدوريات الاوربيه نبي دوريات عربيه ..

مشعان .. والله للاسف ما هناش عربي .. واذا فيه مهوب صافي .. اقدر احصل لك صور لاعبين عرب لو بغيت اما دوريات توهم ما نزلو شي

بوسف .. لا انقلع عني بس خلاص هونت منيب مريض مثلك انا .. يا رجال انت من اول ما طلع لك شنب جلست شهرين بالملحق وما غير تتابع هالدوريات الله يشفيك بس ..

وسحب يوسف على مشعان وغير مكانه .. وقال خلني اتكي بالزاويه الثانيه ولقى مكان فاضي وجلس ( الفصل فصل دوافير كلهم يجلسون قدام ) .. وكمل باقي اليوم نوم بالزاويه

وطول ما يوسف تاكي هناك ما غير يفكر كيف يسوي يهبل بهالمدرسين خصوصا المصري حق الرياضيات ثاني ثانوي اخر سنه فلها Biggrin

.. وهو ما بين النوم والتفكير في مدرس الرياضيات دخل عليهم بالحصه الاخيره

وما صدق يوسف وقال خلني استغل هاللحظه واجرب عيارتي فيه .. كود اني اضحك الفصل واصير مشهورن وكلن يخاويني ثاني ثانوي اخر سنه فلها Biggrin

.. قط المصري خنبقته وجلس يكتب التاريخ وكل شي عن الماده وانبرش عليه يوسف بسؤال خفافي ..

يا استاذ .. منهو كفيلك بديرتنا هههههههه ( يا شين السعودي لا سوى انه خفيف دم ثاني ثانوي اخر سنه فلها 139

) .. وما كمل يوسف كلامه الا والمصري رايحن للوكيل ومبلغ عليه وقايلن انه ينكت بالفصل ومعه علك

واكلها تبن يوسف .. وجلس هالمره اسبوع بالمصلى هههههههههه .. بس تبون الحق الوقفه بالمصلى احلى رجيم لاخواننا واخواتنا اصحاب الوزن المرتفع مثل شحروه وكوزمين وهالطقه ثاني ثانوي اخر سنه فلها Biggrin

ظل يوسف بهالمصلى لين الاربعا اللي بعده ( كأن هاليوسف ما يدخل فصله غير كل ربوع هههههه ) وجاه الافراج على الحصه الاولى حقت الرياضه وهي احلى وقت عشان يطبق يوسف خطته ويهرب من المدرسه ثاني ثانوي اخر سنه فلها Grins

..وهالمره يوسف كان جاي بدري وملحق على اول الطابور وما مداه يحط الكتب الا ومدرس ا لرياضه الملحوس يصارخ ..

جماعه استعداد .. جماعه استعداد

واحد اثنين ثلاثه .. يمين يسار يمين يسار .. فوق تحت فوق تحت .. اخر مره جماعه قف ( الله يذكر هالايام ههههههه ثاني ثانوي اخر سنه فلها Biggrin

)

خلصو هالطابور الصباحي وبدت حصه الرياضه والعالم مراكض ورى هالكوره لين ما خلصت الحصه .. واول ما رجعو الفصل سالهم مدرس الرياضه وين مشعان ويوسف ؟ ..
والطلاب يقولون ما ندري وجلسو يدورون عليهم بكل هالمدرسه ولا حصلوهم .. وعرفو وقتها انهم انحاشو من المدرسه والمدير عرف بسالفتهم ثاني ثانوي اخر سنه فلها Looking_anim

في هالوقت واللي كانو المدرسين يدورون عليهم بالمدرسه .. كان يوسف ومشعان تاكيين في ابو هيثم وطالبين واحد عنب توت وواحد تفاحتين وطربانين على قناه غنوه
( مدري ليه كل ما دخلت لمقاهينا ما حصلت غير قناه غنوه ومباريات الكوره ماش عيالنا تفكيرهم كوره وخنبقه ) ..

جلسو هناك ساعه .. ساعتين .. ثلاث .. وهم يرددون دقني دقني دقني .. وفجأه داهمتهم الهيئه على وقت صلاه وقالو وش مجلسكم بهالمقهى والمسجد يأذن ؟

ما عرفو وش يقولون .. اببببببببببببببببد والله تونا نبا نطلع .. يرد حق الهيئه .. اجل توكم بتطلعون اركبو بالجمس اركبو .. وبنوريكم الشغل هناك

حاول مشعان ينحاش بس رجال الهيئه الابطال ثبتوه وطرحوه ولا خروف في صباحيه عيد اضحى ..

( في قسم الهيئه )

رجل الهيئه .. سمعنا انكم منحاشين من المدرسه .. ولا صليتو وتطالعون قنوات فاحشه بعد .

يوسف ومشعان يطالعون ببعض ويرد يوسف .. اللي دفع الحساب مشعان وهو اللي فكر ننحاش ولا انا ما عمري انحشت

رجل الهيئه ( وهو يأشر بالمسواك بيده عليهم ) .. انتو اثنين دشير وكلمنا ابهاتكم وجايين بالطريق وقبلها بنوقعكم على تعهد ولو شفناكم هنا مرتن ثانيه قطيناكم بالاحداث

وقعو على التعهد ودخلو الشيبان وكلن الشر يتطاير من عيونه .. وكلن شال ولده مع اذنه وصكه بكم كف على كمن شوته قبل ما يوصلون بيتهم ..

ظلو مشعان ويوسف يصبحون بكف وينامون بكف .. لين ما جا الافراج او اللي ببالهم انه افراج وراحو السبت للمدرسه بس للاسف

عرفو انهم مفصولين بعد ما المدير غسل يده من سوابقهم ..

مايستفاد
1 / منول العالم كانت تحسب ان ثالث ما فيها فله ولا يمديك تهايط على المدرسين فما كان فيه غير ثاني عشان يطلعون كل حريتهم قبل الاختبار الحقيقي وهو الوزاره