في بيتنا دلخ

موضوع: في بيتنا دلخ الأحد يناير 24, 2010 9:11 pm

في نهار صيفي مشمس من شهر يناير شباط الاول كنت مستلقي كعادتي بالملحق وفي فمي ماء اقصد زجاره وقوطي حمضيات اطفي به .. كنت منسجم جدآ مع اغنية راشد (دبي دانة الدنيا) وقتها راشد كان شنب وشدوق وشعر قبل لايخربها ويمرط الشنب ويغني مع يارا ويمسك يدينها في مشهد خقق نص بناتنا ياكافي في بيتنا دلخ 139

ماعلينا ..وأنا أتفرج واشوف دبي ومناظرها الخلابه وعمايرها اللي ذكرتني بعماير السيلكون بشارع موسى بن نصير خطرت على بالي فكره وهي (ليش ما نصيف في دبي) طبعن بحكم أننا متعودين نصيف في ربوع وثلوث عنيزه واذا خربناها سافرنا حنا وخوالي وخوالهم وعيال عمتهم بخمس طعش جمس وست الاف بزر للطايف نقعد يومين ويتهاوشن الحريم ونرجع ..
لذا كان من الصعب أني أفاتح أبوي بالموضوع لانه يمكن يعتبرني خارج عن نظام ولاية الفقيه بالبيت في بيتنا دلخ Biggrin

قررت أني أسوي ميتنج (أجتماع لغير الناطقين بالأوباميه) بغرفتي مع العائله لنتناقش بالموضوع ..
جمعت أخواني بالغرفه (معيض وعمشه ) وقلت لـ اختي متعهدة الشاهي (منيره) تصلح شاهي للاجتماع وتجينا ..
بدا الاجتماع بكلمه مقتظبه مني شرحت لهم فيها فوائد السفر السبع وأنها هي وعجائب الدنيا السبع عينين براس ..قلت لهم أننا لازم نسافر وأنني أخترت (دبي) نروح نصيف بها ..طمرت (عمشه) وقالت: (دبي سبورت ولا سما دبي) رمقته بنظره وكنت أحسبها تستهبل وأثاريها طلعت صادقه وعلى نيتها وماتدري أن ديره أسمها دبي في بيتنا دلخ Looking_anim

قلت في نفسي (أجل لو تدرين أن ديره اسمها البحرين وش بتسوين في بيتنا دلخ Biggrin

) ..
أتفقنا كلنا نكلم الشايب بالموضوع ..أقترح(معيض) اننا نسوي مظاهره سلميه بالحوش ندعو فيها ابوي أنه يوافق على السفره بس خفنا أن قوات الباسيج والحرس الثوري تقمعنا في بيتنا دلخ Biggrin

حددنا بعد المغرب موعد القدحه ومفاتحة الشايب بالموضوع ..
جا بعد المغرب الشايب متكي ويقرا جردية الجزيره حقت امس وبيده فنجال وحنا مجتمعين حوله كننا في حلقة قرآن ..قلت له : يبه ترا قررنا نبي نسافر لدبي في بيتنا دلخ Looking_anim

عطاني نظره من تحت النظاره العريضه اللي حدودها صفر وقال: أبرك الساعات متى تبون بس
بعد كلمة أبوي صابنا ذهول عنيف وصدمه عصبيه ..وقمنا نطالع بعض وحنا بين التصديق والا تصديق في بيتنا دلخ Looking_anim

قلت: يعني خلاص يبه نجهز شناطنا
رد وقال: بس عندي شرط في بيتنا دلخ Looking_anim

حسيت هنا أن فيه شرط أبن كلب مثل (ألحس أذنك ولا عض كوعك) قال الشايب : بشرط ينجح أخوكم شليويح في بيتنا دلخ Looking_anim

يوم قال الشايب شرطه جت موسيقا مثل اللي بالمسلسلات (طننووون) وتقلبت وجيهنا أنا وخواني وبردت ولو تفل بوجيهنا ما مسحناها في بيتنا دلخ 139

..
كلنا كنا نعرف أن شليويح تعدى مرحلة الفشل الدراسي ووصل لمرحة (غسل اليد منه) بس أتفقنا وتعاهدنا أننا نحاول ونحاول وبعد نحاول ونضحي بكل شي حتى لو نضحي بالجنين أهم شي ينجح شليويح ونسافر في بيتنا دلخ Sm5

..
د ل خ 666 .. هذا كان لقب شليويح ..فمنذ أن وطأت عيناه المدارس وهو جايب الجريه بكل المدرسه ..لدرجة انهم سوو دراسه وأكتشفو أن نص المدرسين اللي درسوه بالابتدائي جاهم الضغط والنص الاخر شيب شعر راسهم في سن مبكره والنص الاخر مات بأسباب مجهوله بعد عدة مراجعات لـ أطباء نفسيين..مدرس القراءه استدعا ابوي مره وقاله وش سالفة والدكم مع حرف الطاء؟؟ قال أبوي ليش ؟؟ قاله المدرس كل ما اسأل ولدك عن حرف يقولي (كان مهوب طا يا استاذ في بيتنا دلخ Biggrin

)..
حتى مدرس العلوم صابته عقده نفسيه بعد ما سائل شليويح مره عن الاسماك أين تعيش ؟؟ قاله شليويح: في علب التونه يا استاذ في بيتنا دلخ 139

كان شليويح ايام الابتدائي والمتوسط يسوي حفله بالبيت كل صبح عنوانها (منيب رايح للمدرسه) وكان يتخدم أساليب وحيل في غاية الذكاء ..مره يقول عندنا رياضه وبوتي منشق ..ومره يقول عندي واجب ماحليته ..ومره يقول صورة (عم) علينا حفظ وماحفظت ..وكان أحيان يلعب على الوتر الحساس ويحرج امي ..ويقعد يتشكى من بطنه ..وأحيانآ يملا بطنه مويا ويحط أصبعه في فمه عشان يطرش في بيتنا دلخ Biggrin

ويغيب عن المدرسه ..في مره من المرات قعد يصيح يقول بطني يوجعني منيب مدوام ..أخذته امي وودته لجارتنا أم سليمان واللي كانت مشهوره بالكوي والطب الشعبي ..يوم دخلت عليها وشاف شليويح النار وهو اللي يفقع ويركض لباب الشارع ..هنا ايقنت امي بأنه نصاب ومابه الا العافيه و أن كل تشكيه بسبب أنه مايبغلى يدرس في بيتنا دلخ 139

جت في بالي فكره..وهي أني أهيء جو دراسي لشلويح وقت الاختبارت زي جو الدوافير السواريه ..رحت لمنيره وقلت كنسلي الشاهي وسوي بداله زهورات وكذا ..رحت وشريت كيلو زعتر وزيت وثوم ..مريت على كل الدشير أخوياه وقلت أنقطعو عن شليويح فترة الاختبارت وماوافقو الا بعد ما دهنت سير كل واحد منهم ببكتين مالبورو أحمر ..
كلمت المدرس (صلاح المصري) واتقفت معه يجي يدرس أخوي ..جا المدرس واكتشفت بعد كم يوم أن الحصه الدراسيه كلها تروح تحليل لمباراة الجزاير ومصر وليش أبو تريكه ضيع الجون في بيتنا دلخ 139

سحبت على المصري وجبت (يحى الفلسطيني)اللي طرتده بعد ما عرفت أنه مايدرس شليويح كانت الحصه تروح سوالف عن فتح وحماس ومعبر رفع الحدودي في بيتنا دلخ 139

جت ساعة الصفر وبدت الاختبارت ..وبدينا شل أبوك حط ابوك ..شد شليويح حيله وشد وشد لين حسيته بيتشنج من قوة الشد ...كان كل مايجي واسأله كيف الاختبار ..يقول:ثلاثينااااات ..واذا قالها طبينا عليه كنه مسجل هدف .. كنت أتخيله بيجيب نسبه وبيحطون صورته بجريدة الجزيره وهو كاشخ في بيتنا دلخ Icon120

صرت ابرشم له ..وأدرسه ..وأسمع له ..وباخر الايام صرت أوفر له الكوكايين لعل وعسى ينفع ..الين جا اليوم الوعود وطلعت النتايج ..
وكانت صدمه بكل ماتعنيه الكلمه من معنى في بيتنا دلخ 139

طلع شليويح ساقط بكل المواد ماعدا الوطنيه والرياضه في بيتنا دلخ 139

تحطمت ..تكسرت منيره ..عمشه أطلقت صرخه مدويه ..أبوي تفل في وجهه وتله مع علباه(يعني مسكه مع كتفه) وراح به لـ احد ابناء القبيله اللي كان ذو شارب كث وفوق كتفه نجوم وسيوف تجمعهم يطلع الناتج(لواء) توسط لشليويح ودخله العسكريه ..والان شليويح يدعى (جندي) ومعه(دوريه سريه) ويتمشى بالداريري الشرقي ويفقط هالعالم..

النهايه

خخخخخخخخخخخخخخخخخخخخخخخخخخخخخخخخخخخخخخخخخخخخخخ
مسكين شليويح على نياته
ونت ما قصرت بكتين لكل واحد عطني انا بكت وأدرس شليويح اسبوع مجانا اموت ضحك

وأخليه من الاول على الراسبين

هههههههههههههههههههههههههههههههههههههههههههههههههههههه

مشاءالله دلخ ودخل العسكريه
والله اهنيه جدا جدا جدا